2024 жылдың 21-27 сәуірі аралығында "Ахмет Байтұрсынұлының жазу реформасы: теориясы мен тәжірибесі" (AP13068356) атты гранттық зерттеу жобасы аясында Өзбекстан Республикасының Ташкент қаласына Жоба жетекшісі, PhD Е.Маралбек пен Жоба орындаушысы, докторант Ә.Сейтбатқал ғылыми іс-сапарға барды.
Іс-сапар аясында жүргізілген зерттеу нәтижесінде Ахмет Байтұрсынұлының ғылыми мұрасы, қазақ жазуы, түркі халықтарының жазу тарихы, қазақ тарихы, Алаш қайраткерлерінің ғылыми мұрасына қатысты құнды деректер, материалдар табылып, елге жеткізілді.
Таңмен таласып Ахмет Байтұрсынұлы мұрасын мұрағаттар мен сирек қорлардан іздестіру жолында
Жақында Әзербайжанның Баку қаласына ғылыми іссапарлап барып, ондағы мұрағаттардан 1926 жылғы Бүкілодақтық І түркітанушылар съезінің құжаттары мен фотосуреттерін, кино және аудиожазбаларын іздестірдік.
1927 жылдың 16-23 қыркүйегінде жүргізілген Қазақ халық білім беру институтының мемлекеттік қаржы тексеру бөлімінің актісінде көрсетілген деректер бойынша Ахмет Байтұрсынұлы денсаулығына байланысты 1 рет, басқа себептерге байланысты 4 рет студенттерге сабақ бере алмаған.